کشمیر کی سفارت کاری اور نئی نسل کی ذمہ داریاں

کشمیر کی آزادی کی تحریک اب صرف روایتی سفارت کاری تک محدود نہیں رہی۔ عالمی سیاسی افق پر رونما ہونے والی تبدیلیوں نے ہمیں یہ سوچنے پر مجبور کیا ہے کہ ہم اپنے اہم ترین قومی کاز کو جدید اور بااثر طریقے سے پیش کریں۔

آج کے ڈیجیٹل دور میں، سوشل میڈیا، ریسرچ آرٹیکلز اور علمی ڈسکورس سب سے بڑے ہتھیار ہیں۔ کشمیری نوجوان جو کہ دنیا بھر کے اعلیٰ تعلیمی اداروں میں زیرِ تعلیم ہیں، انہیں کشمیر کی تاریخ، جغرافیہ اور انسانی حقوق کی پامالیوں کے معروضی حقائق کو انگریزی اور دیگر بین الاقوامی زبانوں میں پیش کرنا چاہئے۔